EGY’OMUKWANO LWAKUTAANO
Uganda vs Comoros

LWAKUBIRI March 26:
Ghana vs Uganda

2026 WC QUALIFIERS JUNE 2024

Uganda vs Botswana
Uganda vs Algeria

AFCON 2025 OKUSUNSULAMU

Omutendera ogusooka: March 18-26, 2024

GHANA VS. UGANDA BWE ZIZZE ZISISINKANA
07/10/17: Uganda 0-0 Ghana
17/01/17: Ghana 1-0 Uganda
07/10/16: Ghana 0-0 Uganda
15/11/14: Uganda 1-0 Ghana
06/09/14: Ghana 1-1 Uganda
31/05/09: Ghana 2-1 Uganda
04/09/05: Ghana 2-0 Ugand

TTIIMU YA UGANDA ERI E MOROCCO

Abakwasi: Tom Ikara (Bul), Jack
Komakech (Vipers), Giousue
Bellagambi (Huddersfield Town)
Abazibizi: Kenneth Semakula (SC
Villa), Elvis Bwomono (St. Mirren),
Bevis Mugabi (Motherwell), Toby
Sibbick (Hearts), Hallid Lwaliwa
(Bregalinca), Timothy Awany
(Ashdod), Denis Kaka Omony (Bright
Stars), Nicholas Mwere (Bul).
Abawuwutanyi: Allan Kyambadde (El
Dakhleya), Ronald Ssekiganda (SC
Villa), Ashraf Mugume (KCCA), Karim
Watambala (Vipers), Moses Opondo
(AC Horsens), Travis Mutyaba
(Zamalek).
Abateebi: Milton Karisa (Vipers),
Denis Omedi (Kitara), Rogers Mato
(Brera Strumica), Moses Aliro (URA),
Steven Mukwala (Asante Kotoko),
Muhammad Shaban (KCCA), Fahad
Bayo (MFK Vyskov), Carl James
Mujaguzi (Athlone Town), Shafic
Kakande (Bright Stars)

Paul Put, atendeka Uganda Cranes, eddimu eddene eryamukwasibwa limutuuza bufoofofo.

Okugezaako okuzimba Uganda Cranes eddemu evuganye ku bikopo n’okusamba ku mpaka ez’omuzinzi nga Afcon ne World Cup, Put yawalirizibwa okugenda mu Bulaaya okusombayo kumpi buli musambi alina
akalandira ku Uganda. Toby Sibbick, wa myaka 24, nga muzibizi asambira mu Hearts eya Scotland. Yayitiddwa

okuggumiza ekisenge kya Cranes ekibadde kiyuuga okuviira ddala mu biseera bya Micho Sredojevic. Ono, mu kisenge, waakuvuganya ku nnamba ne Kenneth Semakula, Elvis Bwomono, Bevis
Mugabi, Halid Lwaliwa, Timothy Awany ne Denis Kaka Omony.

Sizoni eno, yaakasamba emipiira 17 ku kkiraabu ye era ng’ayogerwako nnyo ng’omuzibizi ayagala okulumba n’okukola emikisa.
Okuzimba omukwasi omuggya anaddira Denis Onyango mu bigere olubeerera kwasindise Put okuleeta Giousue Bellagambi asambira mu Huddersfield Town eya Bungereza avuganye ne Tom Ikara owa Bul ssaako Jack Komakech asambira mu Vipers.

Mu bimu ku bifo ebikyazinya Uganda Cranes oluguje kye ky’omukwasi anti Charles Lukwago, Jamal Salim, Nafian Alionzi, Ismail Watenga ne Joel Mutakubwa abaweebwa omukisa okuwamba ennamba bonna bikyabalemye.

Mu makkati nago agakyagaanye okuggumira n’okubeeramu obuyiiya, Put yayingizzaawo Carl James Mujaguzi ow’emyaka 23 asambira mu Athlone (Ireland) avuganye ne Allan Kyambadde, Ronald Ssekiganda, Ashraf Mugume, Karim Watambala, Moses Opondo ne Travis Mutyaba.

Mujaguzi, enzaalwa y’e kabalore, yakubirako mu Olympic ne IFK Malmo mu Sweden era ng’awera kulaga Bannayuganda kye babadde basuubwa.

Obuzibu bwa Cranes obulala bubadde mu kunywesa butimba era ng’okunogera kino eddagala nga Basamba Comoros enkya ne Ghana ku Lwokubiri mu Morocco, Put yayise abateebi Milton Karisa, Denis
Omedi, Rogers Mato, Moses Aliro, Steven Mukwala, Muhammad Shaban, Fahad Bayo ne Shafic Kakande.Ghana nayo eri mu kweyubula

Okufaananako Uganda Cranes eri mu kuyigga ttiimu empya n’esamba emanyiddwa ate esikiriza, ne Ghana yakomezzaawo omutendesi Otto Addo okuva mu Dortmund abanaazeeko ennako ya Afcon.

Addo asuubirwa okuwa abavubuka abato bangi omukisa ng’azimba Ghana anti abasambi nga Thomas Partey (Arsenal) ne Andre Ayew kwe babadde basidde, bafuuse ‘baluwedde ku mpagala’ olw’obuvune n’emyaka.

Nga yeetegekera okuzannya Nigeria ne Uganda mu gy’omukwano, Addo ayise abavubuka okuli: David Akologo, Fredrick Asare, Nathaniel Adjei, Muhammed Diomande ne Ibrahim Osman okuzimbirako ttiimu enazzaawo
ekitiibwa kya Ghana ekyedda.

Ghana esuubirwa okuwa Uganda omupiira ogw’emisinde n’amaanyi ate Comoros esuubirwa okuyamba Put okwepim